زيت اللوز الحلو الناعم الخاص بالوجه مش هااك اللي مرسوم فيه شعر
هداك راهو خاص بالشعر
ونامي نوم الهناء يالغالية
والان قمتي من النوم؟
هيا الى الدوش
بصح اطلبي من الوليد يهبط قبل يشريلك صابونة الحبشية
أو صابونة حبة البركة
اذا لقيتي الحبشية هي الأفضل و الأروع
واذا ملقيتيش شويا ماء وهي فرات
وجيبيلنا فيها وضوء مع زوج ركعات ضحى
و
اذكار و من بعد
روحي حنونة تفطري و بصحتك الفطور
كلي مليح و اشربي كاس حليب مع سبع تمرات متنسايش
والان روحي جيبي
ملعقة صغيرة نشاء
وملعقة صغيرة ماء
هاهو الماء
وهاهو النشاء
خلطي مليح وحلي النشاء مليح حتى تتحصلي على هذه الخلطة
وقولي بسم الله
و اللهم رب الناس اذهب الباس اشف انت الشافي فلا شفاء الا شفاؤك شفاء لا يغادر سقما
وادهنيلنا هذه الوصفحة على داك الوجه الشباب
وخليها وحد 15 دقيقة الى نصف ساعة
في وقت الانتظار سبحي او روحي ارفدي الغرفة و نظفيها باش كي يجي السي بو الوليد
يلقاها حططططططاااااااااااااااااااا
والان روحي اغسلي وجهك
و ادهنيهولنا بعصير الليمون
مادابيك تدهني بالقشرة البيضاء افضل اذا قدرتي
ودوكا روحي لشغل الدار و خليلنا هاداك الوجه يرتاح شويا
فوتي وحد الساعة او نصف ساعة و روحي جيبيلنا فيها
طبسي مادابيك يكون زجاج
و ملعقة
و شويا عسل حر
وشويا سدر مطحون
جبتيهم؟
ايا ديريلنا ملعقة هاك و ملعقة هاك
ملعقة غير صغيرة وحدة عسل ووحدة سدر وخلطيهم مليح
وديريهم ماسك
اي قناع
وخليه على وجهك
وروحي لشغلك و ديري كمااا حبيتي
نهار تكرهي منو اغسليه
وكي تغسلي انت وواش تحبي
يا ليمونة وامسحي بها وجهك وهذا الافضل
يا اما ماء الورد
بصح الليمونة افضل باش ننزع البقع البنية هكدا؟؟؟
و من بعد روحي تتغداي
و الغداء مادابيك يا الغالية يكون فيه الخس
سلاطة اوراق
كولي منها بزاف راهي مليحة
وكون تديريلها البصل مع خل التفاح
ايييه فايدة عظيمة بعون الله
ودوكا اللي حبتي تديريها ديريها
ونهار تجي العشية
جيبيلنا فيها شويا زيت زيتون
وشويا ليمون
ابو الوليد خسرناه في الليمون اليوم
ديريلنا من فضلك ملعقة صغيرة هاك وملعقة صغيرة هاك
و ديريه في وجهك وحد الربع ساعة
ومن بعد اغسليه بشويا ماء بارد
و صابونة الحبشية اذا عندك
او حبة البركة
او حتى الصابون المغربي اذا لقيتيه - صابون المسلمين اسمو -
درتيها ؟ ايا بالصحة و الهناء
Cool Cool Cool Cool Cool
ودوكا خلينا من السماطة هادي
وجيبلنا فيها حبة بصل الله يحفظك
و شويا خل التفاح
اييييوه واش نديرو بهم؟؟
حبة البصل اعصريها
و العصير ديالها خلطيه مع خل التفاح
ومن ميكون عندك الوقت جيبي قطنة وامسحي وجهك
الوقت اللي تفكرت
الوقت اللي حبيتي
وامسحي
خل التفاح و البصل مهمة جدا ياك؟
الأحد فبراير 24 2013, 01:11 من طرف 
